Khowai Dasharath Dev Memorial College ni kwrui nwkhung ni khorok sa rwng swrung nai jwk bish chawi sak sak thwi mani naimao haihola unglai jak khowai aguli gwnagui.tang salo bono hor bwthar nai tang bedek ni samwng khwlai nai rok sak ni nok ni simi khochawi khowai hangkor sakham nogo twlang thang kha,ah rwng swrung nai jwk ni sak rok belai khe no hamya ungma bai sakham nok ni saknaikol nai rok dati khe GB.sakham nogo refer khwlai kha.abo hai pati mwng sai manwi Khowai Dasharath Dev Memorial College ni 1st semester ni joto rwng swrung nai tei swrung nai jwk song sakham nok bwskang o thangwi kwthumlai kha.rwng swrung nai jwk ni maa-pha song tei nok ni borok rok pati mwng no twi mwng sa bo kok saiya phano,ah rwng swrung naijwk ni kok silsamwng o club ni tangphang no swimwng bwlai bai kaham khe cherwi naikol nani bagwi samani.club ni bwkhaktwi abo hai kok silsamwng man mani ulo gosi mwng nahar mani amchai ni police no pati mwng no twi sana ni bagwi.abo ni bising o no atomsa khe ah rwngswrung nai jwk bish chawi sak sak thwi nani naikha.ah rwng swrung nai jwk ni swimwng bwlai o club ni naikol nai rok no saklai kha, amchai ni no bania khwlai nai Biman deb ni bwsajwla Sourav deb bai hamjaklawi tong mani kwukma sal romwi.kaijak nai hwnui bo kok rwmani Sourav.sal nwi sal tham swkang Sourav kaijakya hwnui sai rwkha ah bwrui no,abo ni ulo pati mwng no twi amchai ni club o thang mani saichung no ah rwng swrung nai jwk.tang salo ah rwng swrung nai jwk no khowai hangkor sakham nok ni simi GB.sakham nogo twlang kha phiya ba sakham nok ni bwkhak twi waisa ni bagwi phano police no ringmani nukjak liya. tei abo hai pati mwng no kitingwi college ni rwng swrung nai tei swrung nai jwk song ni bising o jolilaimwng phunoklai mani nukjak kha sakham nok ni bwskango.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
