Hasteo manwi khwnwi khokjakmani koktwma salbrom no khwnawi tongo. Phiyabha Tabok khe mwtai mondiro se manwi khwnwi khokjakmani koktwma khwnawi tongo. Koktisalni horo Badharghat Stadium ganani Srinagar Kalibari mondirni grill swbaiwi manwi khogwi twlangkha sikok rok. Tangsalni phungo mondir ni grill tei tala swbaijak nogwikha mondir ni pujari Dipankar Bhattacharjee. Aboni logi pranami box ni kaitham tala swbaiwi joto rang tei ama ni rangchak bo twlangwi samung sitra tangnai rok. Aboni ola police rok no koktwma horkha pujari. Mondir ni pujari sakha, hor ni 10PM ni ola salbrom no mondir bwskangni bwrwiphang bwphang tolao kwbangma sikla rok adda rilaio. 10 pm ni pore mondir o kebo tongya, ah jorano oh patimung patikha hinwi kha khwlaikha mondir ni pujari. Diwali mwtai no kitingwi pranami box o kholomwirijak kwbangma rang no khogwi twlangkha samung sitra tangnai rok. Joto miliwi 1.5 lakhs rang khokjakha. Koktwma silsajakmano rwgwi no naicherwi tongo police.Tabok patimungno no twiwi naicherwi tongo police. Tabok abono nainani je samung sitra rok no romnani bwswk jora nang police rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
