Sak baithangni buma no wanamasingsa khe bwtharma yagulo , bumani kwthwi ganano thuoi mwktrwi laijak bwsala. Patimungni diporo mang kwthwi mankha police bodol. Patimung patikha dharmanagar ni radhapur kamini 3 no ward oh. Bwtharjaknai bumani mung Shanti Debnath. Koktwmao saimankha tangsalo Shanti Debnath ni nogo chwngpherangni bill naina bagwi khoroksa tangkrak phaimani. Aphorono ah tangkrak nuk kha nog bisingtwi khe berepjak tei dogar phataro thwi kwlaijak. Amono karwibo nog phataro hakor khorjak. ah tangkrak kirijakgwi parani borok rogno ringwi nahar kha. Koktwma rijak kha Dharmanagar Thanao. Datino Patima Thaio thangwi sogwi kha Police rog tei forensic team rog . Police rog bai ringjakma yagulo dogar phiyokgwi rikha bwtharjaknai ni bwsala Raju Debnath. Aphorono nukgwi mankha nog ni kwnwi kwcharo Shanti Debnath ni mang kwthwi kwlaijak. Logi logino romwi thanao twlangjak kha Raju debnath. Jora kisa swkang kamini kubuni bwrwirognobo Raju debnath yaktisao hinwi koksilsajakmani. Koktwmao saimankha Samungni bagwi agulio tongna nango Raju debnath ni bupha tei Shanti Debnath ni bwsai Jitendra Debnath. Bisi kwdwkna romwino kamio nogo saichong tong mani buma bwsa rog.
Shanti Debnath ni mang kwthwino dharmanagar sakham nogo postmortem ni bagwi rioi rohorjak kha. Bwkhaste police officer Debasish Saha sakha , Raju debnath sak baithangni buma no bwtharma kok gosikha. Bo sakha sal nwi swkang bumano Kath ramani manwibai tokgwi bwtharkha hinwi .
Patimungni koktwma manma yagulo amchaini lukurog wanalaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
