Bike ni thok khokna thangwi bike o hor phwnangwi rikha samung sitra tangnai. Tangsalni aichugo Jogendranagar Ajit Palli amchaio o patimung patikha. Amchaini khorok sa borok sakha, tangsalni aichugni 3 ta rogo bomb phatima hai khorang khwnawi borok ni mwktorwi kiyokha. Nogni ongkhorwi nogwi mankha, borokni amchaio tongnai Pujan Singha Roy ni nog phasing jwlai jwlai khe hor chwngmani. Aro thangwi nogwi mankhe, Pujan Singha Roy ni bike khamwi thapla chajak. Amchaini Litan Das no o patimungo
gwdaljak hinwi wansuklaikha borok. Jora jora o kwbangma borok rok ni bike ni thok tikhalaiwi phalwi tongo hinwi bo, thok phalwi phekjaknai manwi rok bo chao hinwi saimankha. Sal kolokma ramwi bono kebengwi kwbangma kok silsakha amchaini lukorog. Tabok bo bono yasi surkha amchaini lukorog. Phung aichiri aichiri bono twi tukumani nukkha kwbangma lukorog. Bini nokholao phwrangjak kamchwlwio petrol ni bahai mankha. Aboni bagwi bo-no o samung sitra khwlaikha hinwi wansuklaikha amchaini lukorog. Aboni jora kisa ni yagulo no amchaini kharwi thangkha Litan Das. Tabok fano rutugwi manyakhu bono. Bike ni thok khokna thangwi tangwi bike no sogwi rikha Litan Das? abono twiwi no kwbangma sungmung achaikha amchaini lukorogni khao.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
