Bharatiya janata party hapang ni jora o kaham khe no swlai jak kha, Tripura haste ni thung mwng rogo.kami hatai ni simi no kaham thung nai rok no nukjak tongkha, agi rogo chung simi Dipa karmakar no simi sini oh,tabuk khe Ashmita,Arpita, Som debarman,Arshiya ni logi kwbang no kwtal mwkhang nukjak kha thung bedek rogo. Tripura thung mwng mohol rok no twi khaphur jak montri bokhorok Narendra modi bo.Panisagar RCPE thung khola o phawi manjagwi cah sal ni horo abo hai khe no kok samani nukjak kha, haste ni thung tang bedek ni montri Tinku roy no. lai thanai 4 november eba cha sal ni horo panisagar sport’s club o songsa jakmani Atal Bihari Vajpayee sriti knock out football tournament o mega final match o thung khola o thang mani nukjak kha montri no. bini logi tong o panisagar ni MLA Binoy bhushan das, salgwra hangkor ni achugphang Bhobotosh das,panisagar bwkhaste naikolnai Subhash acharjee,nagar panchayet ni chairman Anuradha das,vice chairman Dhananjoy debnath tei panisagar panchayet samiti ni chiarman Sanjoy das. hakotor ni kwcham montri bokhorok Atal Bihari Vajpayee ni mangpili o khum rom rwoi borom rwkha montri Tinku roy.abo ni ulo goal ball o kick khwlawi batailai mwng no songsai rwkha bo,lai thanai tal sa ungwewi khak sa o nwi chi bwrui bodol no twi songsa jak mani football batailai mwng. Final batailai mwng o kwplai ung mani ulo trophy bai 2 lakh rang sokat rwkha damchara longkai FC no.Runners bodol saika star club no trophy ni logi 1 lakh rang rwjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
