Phasalo New-Delhi ni Pragati moidan o World Food India-2023 no phiyogwi rikha montri bokhorok Narendra Modi. Lukorog no rangthongni phasing teibu kwrak khwlaina bagwi asalo 1 lakhs ni sai kwbang lukorog no rangni chubachu rijakha hinwi sakha bo. Aboni yagulo ‘world Food India’ ni wngwi ‘Food Street’ no bo phiyogwi rikha bo. Saltham ramwi cholinai oh mega food event. Abono twiwi montri bokhorok Narendra Modi sakha, kendra ni hukbar raida ni bising twi thanai bisi char o hakotor ni food processing industry o 50 thousand crore ni sai kwbang Foreigner rok investment khwlaikha. Bharat ni food processing industry o sal kasakha. Aboni yagulo Modi teibu sakha, thanai bisi char o Bharat ni simi phatar hakotor o 150 % food expose khwlaijakha. Aboni logi Bharat ni nog nogo chamung swnammani mari bo komimani nukjakha. Abohai kotor chamung ter songchamani kaisa no nasikmung, Bharat no hayungni bwskango joto ni sai kotor ‘Food Basket’ hinwi tisana bagwi. Aboni logi 2023 bisi no ‘International Millet Year’ hinwi palaiwi tongo kendra. Je samungo ‘Seed Capital Assistant’ ni bising twi Self Help Groups rok no chubachu khwklaijagwi tongo, borok ni swnamjak manwi khwnwi rok, kaham dor manani bagwi chaitogwi tongo. Aboni bagwi kaham chamung ni manwi khwnwi tei packaging ni bagwi food processing industry ni simi ‘Seed Capital Assistant’ ni bwkhak twi chubachu khwlaijagwi tongo joto lukorog no.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
