Tripura police state rifles wngkha hasteni borom.TSR sengkrak rogni bodolo tabok bwrwi rogbo sebokgo tichokjak kha. hakotorni kubuni naimwthang bodol haino TSR ni sengkrakrogbo belaino nangkukmani chini hasteni bagwi . hasteo hamya halokrogno mwthakna bagwi nangkukmani yakumu tongo TSR bodol rogni. narsingharh ni KTDS police training acadamy songsajak TSR n 14 tei 15 no battalion ni pandao manjakgwi omo haino sakha montri okra DR. manik saha. TSR ni 14 tei 15 no battalion oh kwtal khwlaiwi beagwi 1 thousand 4 hundrad 13 jona sebok rogno tichokjak kha. aroni bisingo 10% bwrwini bagwi thai narwkjak tongmani tripura haphangni bwkhkatwi amonibagwi 137 jona bwrwi rogno sebok rijak kha. bebagwi kai bwrwi training station oh borogno training rijak kha.
asalo montri okra tei bo sakha, kami amchai rogo hasteni tong kosong lukurogni thanio haphangni sep rog sogwiri thanibo samung khwlaio TSR bodol. haphangni joto sep rogno twiwi lukurogno saimanrio borog. sak ham camp rogno karwibo kwbangma dakbi dal hoda hamkwraini samung bwtang khwlaiwi TSR bodol. pha salni ah pandao manjak kha police rogni tangphang Amitab ranjan. ah salo kwtal TSR rogno swmai tangrikha KTDC police training acadamy ni adong Navadip Jamatia.kwtal TSR rogno ah salo kha kaham yaphar kha montri okra Dr. Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
