Haste ni tongkosong lukorog ni hamkrai ni bagwi sak tharwi samung khwlaiwi tongo haste haphang. Haste haphang ni kaisa no nasikmung abo wngkha joto ni nog nogo ajimung ni lama rinani. Aboni bagwi no haste ni beser beser ni lukorog no kendra haphang tei haste haphang ni kwbangma projects ni sep sap rina bagwi sak tharwi samung khwlaiwi tongo. Shelter kwrwi lukorog ni bagwi sal kisa ni yagulo no Shelter House swnamwi tongo haste haphang. Phasalo Mohanpur municipal council ni kwtal Shelter house no phiyogwi rikha haste hukbar tei phereng bedekni montri Ratan Lal Nath. Hukbar montri sakha, Sak baithang bhachawi manaijak Tripura swnamnani bagwi yapri naharkha haste haphang. Mohanpur no khobui haste ni dalbidal amchaio kai char shelter house swnamjakha. Oh shelter house no samungo phwnangwi ajimungni lama swnamwi mano lukorog. Asalni pandao hukbar montri Ratan Lal Nath no karwi bo manjakha Mohanpur municipal council ni chairpersion Anita Debnath, vice-chairman Sankar Deb, Mohanpur bwkhaste achukphang Subhash Datta, Mohanpur panchayat samitini chairman Rina Debbarma, vice chairman Rakesh Deb, Nagar hamkrai bedekni officer Rajat Kanti Dey tei Hoda hamkrai khwlainai Shyamal Debnath no khobui kubuni adongrok. Asalo fita rawi kwtal shelter house no phiyogwi rikha hukbar montri Ratan Lal Nath. Oh shelter house swnammanio rang baikha 1 crore 67 lakh 42 thousand. Phasalo aboni logi Mohanpur ni khorok chi nwi lukorog no mwichajaknai thokbo bakkha hukbar montri Ratan Lal Nath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
