Sampati seklaiwi bwma bwpha tei bwphayung bai bolailaikha bwta okra. Dharmanagar thana bai khobjak salka Huruakamini 5 no ward amchaio o patimung patikha. O patimungo borok ni nukhungni borok no karwi bo buibo sak dukhumankha hinwi saimankha. Patimungni yagulo Dharmanagar ni hor bwtharnai brindhiya rok sak dukhumannai rok no Dharmanagar ni hangkhor sakham nogo twlangkha. O patimungo belai no sak dukhumankha bwpha Manju Lal Das, tei bwma Arti Das. Bwpha ni bokhorok go rod bai buma bagwi logi logi no thwi thop thop khwlaikha, tei abohai nogwi bwma tongmaya wngwi mana khwlaina thangwi bwma bo bujakha. Bwma bwpha bujagwi tongmani nugwi bwphayung Rajan Das tei bini nukhungni borok rok bo patimung thaio phaiwi bwta okra no thangwi buikha hinwi saimankha. Patimungni koktwma manwi sakham nogo thangwi patimungno twiwi naicherwi kha Dharmanagar thanani police. Bwsala okra wng tutwi bwma bwpha no yak tisamano kitingwi sakham nogo ur patilaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
