Khowai Ramchandra-ghat Batapura kamini kaisa wak farm o African swine fever virus mankha. Haste ni maalmata hamkrai bedek oh farm ni 1 Kilomiters ro tongnai joto no wak rok no bwtharna bagwi dagikha. Sangrong salni diporo Khowai maalmata hamkrai bedekni habanogo kaisa nangkukmani koklam panda songchajakha. O pandao manjakha maalmata bedekni deputi director Pran Gopal Das, Abhoynagar maalmata hamkrai bedekni deputi director Jyotirmoy Roy, tei maalmata bedekni sak naikolnai, Khowai panchayat samiti ni vice-chairperson Tapash Kanti Das, no khobui amchaini police rok no khobui kubuni adongrok. O koklam pandani paithago kaisa yapri yapri naharjakha, salthang Sonatola Jamiapara, salka Ramchandraghat ni Batapura tei salgwra Ranchandraghat Nandipara ni joto wak rok no bwtharnani bagwi sakhwlaijakha. Aboni bagwi kendriya maalmata hamkrai bedekni bwkhak twi wak bwtharjaknai nukhungni borok rok no wak ni rang rijaknai hinwi sakhwlaikha. 15 KG wngjak wak rok no 2200 rang rijaknai, tei 40 KG wngjak wak rok no 5800 rijaknai tei 100 KG wngjak wak rok no 15000 thousand rijaknai hinwi sakhwlaijakha. Abohai yapri naharmani bagwi belai no wanalaijak amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
