Dal bi dal hamya samungo gwdaljak wngwi sngrong salo kolktani simi romjak kha tongmung sitra tongnai saikat talapatra. aboni yagulono bono dorbar nogo twlangjak kha.bini sakao mamla khwlaijakmani bisingo kaisa mamla no naikuljaknai hangkhor dorbr nogo tei kubuni mamla rog hinkhe kotor dorbar nogo naikuljak nai. ah salo Asfak Sheikh mungwi khoroksa borog saikat talapatra ni mungwi mamla rimani yagulo , sal sni ni bagwi bono remand oh tonina bagwi dorbar nog kotoro twlangjak kha . bon sal sni ni bagwi remand oh tonuna bagwi gosimung rikha dorbar nog.sangrong salo koktwma thumnai ogni bwskango phaiwi oh kok rog saklai kha naimwthang bodolni tangphang Smrat Bhowmik . bo teibo sakha 2020 bisio tripura Bhobisat mungwi kaisa koktwma bwlaini editor chandra roy sal thanani bwrwi police thanao saikat talapatra no kebengwi mamla khwlai kha. ah mamla no twiwibo remand oh saikat no toni bagwi dorbar nogo sanmung khwlai kha police bodol rog. Asfak Sheikh ni mamlao saikat talpatra no sal sni ni bagwi remand oh tonijaknai. chandra Roy ni mamla oh bo remand oh tonina bagwi sanmung khwlaiwi tabok gosimung mankha hinwi saimankha. phainai 7 november oh haino hai dorbar nofo twlangjaknai bono. alongni nokhorona bagwi saikat talapatrani koimung bwlaino gosimung riliya dorbar nog . phaina 16 november jora along chopjakgwi remand oh ma tongnai saikat talapatra. bubagra pradyot kishore debbarma bini mungwi mamla khwlaimanio saikat talapatra ni bwkhaktwi khe kolkata ni Sayan dey mungwi khoroksa kerongmwthangnai dorbar nogo koimung rikha. mahila commission ni chairperson Jharna debbarma ni mamla oh bo alongo tongnai saikat Talaptra . aswk sal buni bagwi hamya kok samani bagwi tabok omo hai khe jwngjalo kwlaina nangkha Sikat Talapatra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
