Tripura cricket association ni khorok nwi khorok tham ni phasing proof bai crore crore rang pher sher khwlai mani kok silsamwng tubwi sangrong salo teisa kok samani nukjak kha TCA bai gwdal jak rajakhor aguli ni logi haste ni dal bidal bwkhaste ni club rok no. Narsingar gana Tripura ni international cricket stadium ni flood light ni simi chengwi dharmanagar stadium songsa jak nani mwngui kwbang lakh lakh rang pher sher ungkha.ah rang pher sher ungmani abo rok proof bai loku rok ni bwskang o tisai phunok nani bagwi tei samwng hamya khwlai nai rok no kwrak khe satug mwng rwna ni bagwi sanlai mwng khwlai kha aguli ni club ni samwng khwlai nai rok bo. Timir chanda,Tapash ghosh ni mwng nawi agartala press club o songsa jak mani kokthum panda ni bising twi club ni samwng khwlai nai ni bwkhak twi sangrong salo abo hai khe no sanlai mwng khwlai kha Sebok bhattacharjee.rang pher sher khwlai mani abo rok no twi bo saklai kha,dharmanagar stadium songsa jak nani mwngui lakh lakh rang pher sher khwlai kha Tripura cricket association.panda o kwtui rok charina bagwi 22 lakh rang ni bill rok ung kha abo mwnui kothok,abo simi ya, flood light ni pati mwng no twi bo kok sakha bo.tender je phuru kwplai ung kha ah jora oh kai dok flood light ni bagwi GST ni bai 8 crore rang rwna hwnui gosi mwng bo rwjak kha, abo ni ulo atomsa khe flood light teibo modify khwlai nani mwngui 25 crore 97 lakh rang khorcha ung kha,tangwi teibo 17 crore rang pher sher khwlai jak kha abo no twi swng mwng khwlai kha Sebok bhattacharjee.Haste cricket motha ba chi bisi lai thang phano tabuk sak national cricket bodol ni ungwi thung mani nukjakliya kho Tripura ni khorok sa phano crickter rok no.ah salo kokthum panda khwlawi abo hai khe no kok samani nukjak kha Sebok bhattacharjee no.Tripura cricket association ni rang pher sher khwlai nai rok no romwi satug mwng rwnani bagwi bo sanlai mwng khwlai kha club ni samwng khwlai nai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
