Kailasahar ni town-Tahsil habanogno kebengwi kwbangma koksilsamung kasakha. Abono twiwi tongkosong lukorog sakha je, sal kolokma ramwi oh town-tahsil habanogni bwkhak twi mungsa samung manya wngwi tongkha. Thanai talnwi ramwi oh town-tahsil habanogni bwkhak mungsa bo Reading printing manya hinwi saimankha. Salbrom no tongkosong lukorog oh habanogo phaiwi khaila yak no kiphilna nangu hinwi saimankha. Abono twiwi joto sai manmani yagulo bo mungsa kwrak yapri naharkha kwchum berem ni officers rok. Abono twiwi town-Tahsil habanogni Computerized Land Records ni in-charge Sanjiv Debbarma no kok sungmani yagulo bo sakha, Internet bill joma riya ni bagwi no line cut khwlaiwi rijakha. Aboni bagwi no thanai talnwi ramwi Kailasahar town-tahsil habanogni joto samung bwtang rok khwlaijakya wngwi tongkha. Phiyabha thanai 1st november ni salmario joto bill rijakha, phiyabha tabok fano BSNL Company ni bwkhak twi internet rahorjakya khu hinwi sakha bo. Dakti no Kailasahar town-Tahsil ni habanogo swkangni hai khe samung bwtang chengjakna bagwi hangkhor achukphangni gwdalmung sanlaikha amchaini joto lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
