Udaipur municipal council amchaini 13 no ward o tongnai Naba Kumar Ghosh, swrang salni diporo phasi chawi thwikha. Naba Kumar Ghosh sal brom no chuwak nungwi amchaini lukorog walaio hinwi amchaini lukorog ni bwkhak twi saimankha. Swrang salni diporo bini nukhungni khorok sa borok bai walai laikha, aboni yagulo thamchi kajagwi nogni doga sowi nogo habwi thangkha Naba Kumar Ghosh, kwdwkma jora laimani yagulo bo doga kholokya wngmani bagwi, bini nukhungni borok rok doga swbaiwi nogo habwi nogwi mankha bini mangkwthwi khachijak. Aboni olo chirik khoklaiwi kaplaikha bini nukhungni borok rok. Patimungni koktwma manwi patimung thaio thangwi sagwikha 13 no ward ni councillor, RK Pur thanani police rok. Mangkwthwi no khochawi Gomati sakham nogo post-mortem khwlaina bagwi twlangjakha. Abohai patimungni yagulo amchai rwgwi no wanalaijak. Tabok patimung no twiwi naicherwi tongo police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
