Paithakgo sal kwdwkma naisingma yagulo swrang salo Bangladesh tei bharat hakotorni kwchar rail lama twi thanglaisuni sep wngkha. Swrang salo virtual raid ani bisingtwi bangladeshni ganga sagar tei Agartala nishchinta pur ni rail station no phiyokgwi rikha bharat ni montri bokhorok modi tei Bangladesh ni montri bokhorok Sheikh Hasina. Akhaora – Agartala cross board rail link no lama phiyokjakmano karwibo ah salo tei kai nwi samung bwtangno phiyokgwi rikha montri bokhorok Modi. Ah samung bwtang rog wngkha Khulna – Mongla jora rail lama kwtal phiyokmung tei Meitri Super Thermal power plant ni 2nd unit ni phiyokmung. Ah salo secretariat ni simi virtual raida bai khwlaiwi ah samung bwtango manjak kha hasteni montri okra Dr.Manik Saha bo. Samung bwtang pai mani yagulo swrang salo secretariat oh kaisa kokthum pandani bisingtwi kai tham kwtal samung bwtangni bagwi kai nwi hakotorni lukurogno kha kaham tei hamjakma yaphar kha montri okra Dr. Manik Saha. Montri okra teibo sakha , oh kwtal rail lama rogni bisingtwi bharat tei Bangladesh hakotorni kwcharo thanglaisuni bagwi kaham sep wngnai tei baniani bagwi kaham habar swnamjaknai. Tei akhaora ni rail lamabo swnamjak khe Agartala tei Kolkata ni rail lama 1600 km ni 500 km wngnai. khursathai kwlaio akhaora – Agartala ni rail lama samungni bagwi bebagwi 392.52 crore rang ni gosimung rikha. Bebagwi 12.28 km rail lamani 6.78 km Bangladesh oh tei 5.86 km hinkhe bharat hakotor bai gwdakjak. Khulna – mongla bondhor rail line samung bwtangni bagwi bharat haphang 38 crore US dollar ni kwbang rang Bangladesh no loan rikha. Oh samung bwtang Bangladesh ni 2nd jotoni sei kotor bondhor mongla tei khulna oh bebagwi 65 km ni broad gauge rail lama swnamjak kha. Bangladesh haphangni chattagram tei mongla bondhor wngwi west Bengal ni simi north east ni haste rogo bania khwlaina bagwi gosimung rijak kha. Meitri super thermal power plant project ni bagwi bharat loan rikha 160 crore US dollar rang. Khulna ni rampal oh swnamjakmani plant ni power wngkha 1320 megawatt. Oh plant no swnam kha Bangladesh india friendship company private limited.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
