Haste ni lukorog no kaham phereng ni sep sap rina bagwi sak tharwi samung khwlaiwi tongo haste ni phereng bedekni sebok rok. Thinangni kok no wansugwi phereng bedekno teibu hamkrai khwlaina bagwi Surjyamoni nagar ni 132 KV substation no 400 KV substation swnamna bagwi swrang salo Surjyamoni nagar ni 132 KV substation no naina thangkha haste ni phereng bedekni montri Ratan Lal Nath. Asalo koktwma thumnai rok ni bwskango phereng montri Ratan Lal Nath sakha, Surjyamoni nagar ni lukorog ni high voltage ni phereng rina bagwi no 132 KV substation no 400 KV substation swnamna thangwi tongo hinwi sakha bo. Oh 132 KV substation no 400 KV substation swnamjakhe oh substation bai Palatana, Manarchak, Rukia, Baramura, RC Nagar tei joto sub-substation rok no thepajakhe, haste ni joto ni sai kotor Power hub hinwi sinijaknai. Oh projects no chengsana bagwi kendra haphangni bwkhak twi permission rijakha tei rangthongni bagwi chaitogwi tongo hinwi sakha phereng montri Ratan Lal Nath. Asalo bini logi manjakha phereng bedekni secretary Abhisheck Singh, Tripura electrick department ni MD Debasish Sarkar, Tripura Power transformission limited ni GM Ranjan Debbarma no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
