Phainai 8-october ni simi 12 october jora Philippines o 22 Asian Masters Athletics bataimung songchajaknai. Chwla bwrwi miliwi haste ni khorok chi sa batainai rok oh bataimungo manjaknai. Oh bataimungo manjaknai Athletics bataimungo o kainwi rangchak medal manjak haste ni sajwk Mitali Debnath. State level tei National level o kwbangma medal mankha Mitali. Phiyabha belai no kwrwi nukhungni sajwk wngmani bagwi phatar hakotor ni batainai rok bai baksha bataina bagwi jwngjalo kwlaijak bo. Ah jwngjal no mwthakna bagwi swrang salo bwskango phaikha Tripura haste ni mung gwnang swnamkhor bugra eba Longtorai Gora Masala ni bugra Ratan Debnath. International level o bataina bagwi chongjakmani bagwi RK Nagar Longtorai Industry ni conference hall o khom bhochop riwi Mitali Debnath no borom rikha Annada Spices Industries ni adongrok. Aboni logi Mitali ni yagu 10 thousand rangni check yapharwi rikha Longtorai Gora Masala ni bugra Ratan Debnath. Mitali Debnath no 22 Asian master sports athletics bataimungo kwplai wngwi phaidi hinwi mwtai ni thani surikha Longtorai Gora Masala ni bugra Ratan Debnath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
