Bharat hakotor yoksamani yagulo puila yakchu montri bokhorok wngkha Sardar Vallabhbhai Patel. Hakotor yoksamani yagulo chikon chikon haste rog no Bharat hakotor bai gwdalrimao bini yakumu belai no tongo. Bisi brom brom no bini achaima salo ‘national unity day’ palaijagwi phaio. Kwrak salo Hakotor ni logi haste o bo palaijakha ‘Iron man’ Sardar Vallabhbhai Patel ni achaima sal. Bini achaima salno kitingwi kwrak salni phungo thwng bedekni luajimung bai kaisa panda songchajakha. Thansa ni mari no teibu kwrak khwlaina bagwi haste ni naimwthang bodol ni chaitokma bai kwrak salo AD Nagar ni MR Debbarma sriti Stadium o kaisa swmai tangmung panda songchajakha. Asalni pandao thangwi manjakha haste ni montri okra Dr.Manik Saha. Bono karwi bo manjakha haste ni thwng bedekni montri Tinku Roy, Tiprasa hamkrai bedekni montri Bikash Debbarma, Agartala municipal corporation ni mayor Dipak Majumder no khobui kubuni adongrok. Asalni pandao kok narukna thangwi montri okra sakha, hakotor ni bisingo tei hakotor ni phataro je nobar hakotor ni thansa no swbaina naiwi tongo, ah nobar rok no kebengwi hujak wngna bagwi no Sardar Vallabhbhai Patel ni achaima salno national unity day hinwi palaijagwi tongo. Thansani mari no teibu kwrak khwlaina bagwi no asalni pandao joto no thansa ni swmai tangrikha montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
