Hakotor ni logi kwrak salo hasteo bo ‘Bharat ni Iron Man’ Sardar Vallabhbhai Patel ni 149 bisi achaima salno kitingwi Aulini Swami Vivekananda moidan o ‘National Unity day’ palaijakha. O pandao manjagwi haste ni hukbar bedekni montri Ratan Lal Nath sakha, Bharat hai kotor hakotor no thansa khwlaimanio Sardar Vallabhbhai Patel ni kotor yakumu tongo. ‘National Unity day’ no kitingwi kwrak salni phungo aulini Swami Vivekananda moidan o ‘Run for Unity’ no naikolkha haste ni montrisobha ni montri rok. Bana phunugwi asalni marathon no chengsawi rikha borok. Aboni logi thansani swmai tangkha. O pandao kok narukna thangwi hukbar montri Ratan Lal Nath sakha, 2014 bisi ni simi hakotor rwgwi no asalno national unity day hinwi palaijagwi tongo. Hakotor yoksamani ni yagulo engresh rok hakotor no swkakna bagwi bithi dawi kwlangkha. Ah jorao chini iron man Sardar Vallabhbhai Patel Bharat hakotor no thansa khwlaina bagwi Bharat hakotor ni map swnamkha. Sardar Vallabhbhai Patel Bharat hakotor ni khorok sa abohai ojama je, Bharat hakotor yoksamani ni yagulo puila yakchu montri bokhorok ni wngwi samung khwlailangkha. Bini yak ramwi no Bharat no thansa khwlainani samung chengsajakha. Hakotor yoksamani yagulo hakotor o joto ni sai kotor jwngjal wngkha thansa kaklaimung. Ah jorao Sardar Vallabhbhai Patel Bharat hakotor no thansa khwlaina bagwi chaitokha tei hakotor no thansa khwlaina bagwi nangkukmani yapri naharkha bo.Asalni pandao Sardar Vallabhbhai Patel ni laibuma no twiwi kok sakha haste ni thwng bedekni montri Tinku Roy.Asalni pandao manjakha haste ni hukbar bedekni montri Ratan Lal Nath, haste ni swnamkhor tei bania bedekni montri Santana Chakma, sikla thwng bedekni montri Tinku Roy, bidhansabha ni deputi speaker Ramprasad Paul, tei kwbangma bedekni secretary no khobui naimwthang bodol ni kwchuk berem ni officer rok bo manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
