Club simi tongthoklai nani bagwiya,hoda ni kaham samwng,thung mwng,hukumu panda rok tabuk club rogo songsa jago.chini hoda rogo club belai khe no nangkukmani,kokti salni sanja jora aguli ni salgwra badharghat swami vivekananda club o songsajakha’Sharad Samman- 2023′.ah panda no songsai rwkha montri okra Dr.Manik saha,montri okra kokti salni sanja jora arundhati nagar rwng nok ni khola oh aguli ni salsi amchai gwnagwi 2nd’sharad samman-2023’ni panda bo songsai rwkha. panda o montri okra saklai kha,tabuk ni jora rogo haste ni club rogo kaham habar kiphilwi phaikha.loku rok mwng sa bo deramwng rogo kwlai khe tabuk club rogo no phawi oh,montri okra teibo sakha,agi rogo nukjago club rogo sal burum burum no kaisa kirima sinsa habar,phiya ba tabuk ni hastee hapang ni jora oh kwbangma club ni bising oh kaisa kaham habar kiphilwi phaikha,tabuk ni hapang bai tong kosong loku rok thansa ungwi no samwng khwlai tongkha.panda o montri okra teibo saklai kha,swami vivekananda club ni bwkhaktwi abo hai panda songsai rwmani bagwi joto loku rok no tongthok laijak,tabuk haste ni simi kai chi char express train hakotor ni dalbidal haste o thang phai khwlawi oh.haste o bo tabuk kaham habar kiphilwi phaikha,montri okra ni wansokmwng,phai tong nai sal rogo joto ni sp bai no kaisa naithothok Tripura swnamwi man nai.’Sharad Samman- 2023’panda o montri okra no karwi bo phawi manjak phaikha Mla jwk Mina rani sarkar,agartala pura nigam ni mayor Dipak majumdar,deputy mayor Manika das dutta,corporator Sampa sarkar chowdhury,agartala pura nigam ni south zone ni chairman Abhijit mallik,hoda naikol nai Sanjoy saha,Ashim bhattacharjee akosong.
ah salo salsi amchai ni kai chi sini club tei hoda naikolnai motha no borom rwjak kha,tei panda o kai chi sa bibhag po kai nwi chi char club no sokat bo yapharwi rwjak mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
