OSA mwtai ni swkang haste o puila ni kahai bargain price bai khwlawi haste ni ni joto thai ni loku rok no horuwa thok rwna ni gosimwng nahar mani haste ni chamwng tang bedek ni bwkhak twi.abo ni kahai khe no tender rwjak kha tei tender ni kahai haste ni joto ration shop oh thok rwna ni bagwi phatar haste ni kai tham company ni yago rwjak kha.ah tender oh thok ni je rang ni mari rwjak mani,abo ni logi haste ni chamwng tang bedek kai chi ba rang subsidy rwoi 113 rang bai khwlawi liter kaisa thok haste ni loku rok no rwna ni bagwi sep nahar kha.phiya ba ah pati mwng ni twi OSA mwtai ni swkang thung kwrung bodol rok haste ni loku rok no deramwng rogo khiklai nani kok pirlai tong mani bo nukjak kha.phiya ba paithago haste ni loku rok ni bagwi joto ration shop oh horuwa thok rwna ni bagwi samwng bwtang chengwi rwkha,tini eba pha sal ni simi kaisa panda ni bisingtwi tong kosong loku rok ni bagwi bargain price bai khwlawi no horuwa thok rwjak nai hwnui sakha chamwng tang bedek ni montri Sushanta chowdhury.ah salo rajakhor aguli ni pragati road gana 61 no.ration shop ni simi ah horuwa thok rwna ni samwng bwtang chengwi rwkha.ah salo kokthum thum nai rok ni bwskang o montri saklai kha,haste chamwng tang bedek ni bwkhaktwi puila ni simi no chengwi rwma ni je october tal ni paithako tei diwali ni swkang haste ni joto ration shop oh horuwa thok thangwi sogwi nai.tini eba pha salo haste ni chamwng tang bedek je kok rwmani abo soi ung kha. Sadar bwkhaste oh jotowi 265 ration shop tong o,abo ni bising o 95 ration shop oh pha sal ni simi subsidy price bai no horuwa thok rwjak tong kha kisa panda ni bising twi hwnui sakha montri,ah sal o montri no karwi bo phawi manjak phai kha food and population tang bedek ni okra naikol nai Nirmal adhikari,sadar bwkhaste naikol nai Arup deb,sadar SDC Pradip kumar bhowmik ni logi kwchug thai ni joto samwng khwlai nai tei naikol nai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
