Kwthar saptami ni salo khorok sa omar kasukya bwrwi no bokhogo rumal riwi Kailasahar amchai o malkhung bai bolongo twlangwi rompherenani chaitokkha Shamsur Rahman mungwi khorok sa borok. Bono lengriwi rompherenani bagwi bolongo twlangwi thangkha. Atomsa khe oh bwrwi sichawi phaimani yagulo chirikhoka , aboni yagulo gana gini ni borok rok chirikmani khorang khwnawi patimung thaio thangwi bwrwi no manphano, phiyabha chwla kharwi thangkha hinwi saimankha. Aboni ola omra kasukya bwrwi no logi twiwi Mohila thanao thangwi mamla khwlaikha omar kasukya bwrwi ni bwma. Aro thangwi bo mohila thanani OC bai olta domok rijakha borok bwma bwsajwk. Kailasahar Dewrachhara ADC village bai khobjak Depa chhara amchaini o tongnai Shamsur Rahman patimung ni olni simi no kharjak hinwi saimankha. Koktwma thumnai rok ni bwskango omar kasukya bwrwi ni bwma sakha, Osa mwtai no naina bagwi bwsajwk bini dadu ni nogo thangmani. Aboni olo Saptami ni sarigo Paiturbazar amchaio osa nainani ongkhorkheno bono okolok twi phaiwi bokhogo rumal riwi malkhungo chitogwi twlangkha Shamsur Rahman. Rumal bokhogo rimani logi logi no lengwi thangkha omar kasukya. Aboni olo bono Unakoti tourist center ni bolong kothogo twlangkha. Ah jorao Dharmanagar ni simi Kailasahar o kiphilwi tongmani omar kasukya bwrwi ni mama. Hor kwthogo bolong ganao malkhung bathakjak nogwi wansukma phaiwi, amchaini tei khorok sa khorok nwi borok rok no twiwi bolong bwkhak thangkha, Ah jorao oh omar kasukya bwrwi lengmani sichawi chirikhoka, Aboni olo no bwrwi ni khorang khwnawi patimung thaio thangwi bono mankha, phiyabha Shamsur Rahman kharwi thangkha hinwi saimankha. Asalni patimungno twiwi mamla khwlaiya hinwi koksilsamung phaikha Kailasahar mohila thanani OC no kebengwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
