Thangnai 18 october salmario belaino kirimasingsa kaisa patimung patikha agartalao. agartala ni abhaynagaro blood sun club ni osa mwtaini pandal short circuit nangna bagwi khamwi thapla chakha.patimungni koktwma manma logi logino aro thangwi sogwi kha hasteni montri okra Dr. Manik saha , AMC mayor dipak majumdar , salthang tripurani hangkhor naikulphang tei pradesh bjp ni achukphang Rajib Bhattacahrjee. patimungni bagwi osa mwtaini tongthokmungo mungsabo bejau phaiya twikheno haphangni bwkhaktwi rang chubachu rina bagwi sakha montri okra Dr. manik saha. kok rima haino samung khwlai kha montri okra tabok. pandalni simi chengwi ama osa mwtaini mangthongni bagwi blood sun club no rangni chubachu rikha montri okra. haphangni karwibo hasteni bjp bodolni bwkhaktwi khe blood sun club no rangni chubachu rikha hinwi sakha pradesh bjp achukphag Rajib Bhattacharjee. pha salo blood sun club oh thangwi nangkukmani koklam rog khwlai kha pradesh bjp achukphang Rajib Bhattacharjee. ah salo rajib bhattacharjee ni logio tongkha bjp ni ojama jwk papia dutta tei amit rakkhit.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
