Sakham bedek, Bania eba rwng swrwngmung tei thanglaisu ni bwkhak Mumbai bai kaham no connection tongo Tripura haste ni. Aboni yagulo sal kisa swkang birkhung ni bara bo belai no barikha. Agartala ni simi Mumbai jora direct thanglaisu khwlainani sal kisa ramwi sanlaikha haste ni montri okra Dr.Manik Saha, Tripura haste ni thanglaisu montri Sushanta Chowdhury. Oh talni puila hatio no borok ni sanmungno maniwi naharkha kendra haphang, aboni logi logi no jugalmung chengsawi rikha haste ni thanglaisu bedek. Sangrong salo joto jugalmung paiwi haste ni montri okra Dr.Manik Saha ni yak ramwi phiyogwi rijakha Agartala Mumbai lokmanna Tilok express. Asalni pandao bono karwi bo manjakha haste ni thanglaisu montri Sushanta Chowdhury, kendriya montri Pratima Bhowmik, MLAjwk Minarani Sarkar no khobui kubuni adongrok. Aswk sal Tripura ni simi phatar hasteo chi nwi express train choliwi tongmani, phiyabha tabok lokmanna tilok express cholimani bagwi bini mari wngkha chi tham. Aboni logi Agartala-Sabrom ni simi kwtal Demo train tei Agartala rail station ni platform no 1 ni escalator service no phiyogwi rikha montri okra. Asalni pandao kok narukna thangwi montri okra sakha, Hakotor ni montri bokhorok Narendra Modi ni chaitokma bai no tabok haste Railway communication system belai no kaham wngkha. Tabokni simi sangrong salni phungni 6 am o Agartala ni simi mumbai jora cholinai, tei chasalni sarikni 4.15 pm o Mumbai o thangwi sagwinai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
