Tei sal nwi se tong sio yago,abo ni ulo no songsa jak nai haste gwnagui OSA mwtai.tei abo ni bagwi khatun khaja ni bising twi samwng khwlai tong mani nukjak tong kha.Gandachara bwkhaste amchai o taklai bisi o chikon kotorr miliwi kai nwi chi nwi OSA mwtai songsajak nai kwbang ma club tei hoda naikol nai motha rok.abo ni bising o Juba sangha bwkhaste ni joto ni swlai kotor budget ni OSA mwtai songsa jak nai,club ni khorok sa ojama saklai kha,2000 bisi o juba sangha club songsajak kha.abo ni ulni simi no siri siti ni joto raida ni kahai no OSA mwtai songsa jago.taklai bisi o borok ni mwtai phil nwi chi tham o kwlai kha,juba sangha club bwkhaste ni simi chengwi dhalai hangkor ni bising o joto ni swlai kotor mwtai songsa jago.lai thanai bisi o bwkhaste tei hangkor ni bising o puila ni thai man kha ah club.Dumbur twisa o mwtai mondap songsajak kha waa bai khwlawi. taklai bisi o 6 lakh rang borok ni budget.amchai ni no tong nai mwtai swnam kha hwnui saiman kha.panchami ni sanja jora no salka Tripura ni dagiphang Rebati Tripura ni yak bai OSA mwtai mandop songsai rwjak nai,Sasthi ni salo’sawcha bharat abhiyan,jail o tong nai rok no kwtui bagwi rwnai tei Saptapi ni salo huku panfda songsa jak nai, Astami ni salo sak tharwi thwi rwmani panda songsa jak nai tei Nabami ni salo khe mwtai prasad rwjak nai hwnui sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
