Hukbar tei hukbar hamkrai bedekni luajimung bai sal kisa swkang sebok mannai rok no swrang salo appointment letter yapharjakha. Swrang salo Agartala ni Rabindra Bavan o kaisa panda ni bising twi borok ni yagu appointment letter yapharwi rikha haste ni hukbar hamkrai bedekni montri Ratan Lal Nath. Chini langmao hukbar khwlainai rok ni yakumu belai no tongo, asalni panda o kok narukna thangwi montri Ratan Lal Nath sakha, Chwng joto no rangni okologo khachigwi tonglaio, sebok khwlainai rok salbrom no borok ni salary bari rina bagwi sanlaiwi tongo, phiyabha hukbar khwlainai rok manwi khwnwi kaiya hnk, chwngno salary baririwi rifano chamung mangwlak khamo chwng. Hukbar khwlainai rok jodi borok ni manwi khwnwi kaimungno yakarwi rikhe chini langmao kwbangma jwngjal phainai. Aboni bagwi hukbar khwlainai rok ni ajimung baririna bagwi kwbangma projects ni yapri naharwi tongo hakotor ni montri bokhorok Narendra Modi. Kendra haphangni kwbangma projects ni bising twi no hakotor ni 81 crore lukorog tei haste ni 24 lakhs borok rok tal brom no magwna pharisa mairom riwi tongo. Manwi khwnwi kaimani bwkhak Bharat hakotor hayungni 2nd number o tongo. Asalo thamchi LDC tei tham chi ba Agri assistant ni appointment letter yapharwi rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
