2023 bisi o haste o teisa BJP hapang swnam jak mani ulni simi no haste ni thung tang bedek,Social welfare and social education tang bedek o je samwng khwlai tong kha,ah samwng rok no naikol na bagwi swrang salo tang bedek ni montri Tinku roy ni twidulmwng bai tang bedek ni joto thai ni samwng khwlai nai rok no twi Secretariat o kaisa kokthum panda khwlai kha.ah sal ni panda o thung tang bedek ni montri Tinku roy kwbangma samwng bwtang no twi saklaikha, hakotor phiyokjak mani ulo bharat ni sini chi ba bisi ni laibuma o taklai bisi o no Asian Games o 107 sokat mankha bharat.phiya ba thung mwng ni bwkhak twi usulwi kwrui chini haste Tripura bo.2023 bisi ni national game oh Tripura ni kaisa bodol,kai tham rang chak ni sokat,kai ba bronze sokat tei kai tham ruphai sokat mankha.Tripura no tei bo sini nani bagwi Oh bisi o 22 november salmari ni simi 27 november salmari jora hayung gwnagui kaisa yoga batailai mwng songsa jak nai hwnui samwng bwtang yago nahar mani.abo ni logi thung tang bedek ni luajimung bai dati khe no ambasha o 2 hundred bed gwnang khung sa abash songsai rwjak nai hwnui saklai kha montri.abo no karwi bo 25 crore rang bai khwlawi haste ni udaipur tei kailashahar o khung sa khwlawi yuba abash swnam na bagwi samwng bwtang yago nahar kha hwnui saklai kha bo. abo ni logi khelo india samwng bwtang bai rajakhor aguli ni badharghat oh hockey court swnam na bagwi teibo samwng tongwi tong o,ah samwng rok phai tong nai 2024 bisi ni march tal ni bising o no pai rwna ni bagwi contractor’s rok no gosi mwng rwjak kha tang bedek ni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
