Osa mwtaio bwkhak khologwi mwtai naiwi manani bagwi kwrak salo Mojlishpur bidhansabha kendra MLA eba haste ni thanglaisu bedekni montri Sushanta Chowdhury ni twidulmung bai Harijoy school math o amchaini 21,22,23,29 no bhoth ni wanjwi bosong ni bwrwi tei tiprajwk bwrwi rok no saree tei rignai bakkha. Abono karwi bo asalo Jirania block chowmony ni 38,43, tei 44 no bhoth ni bwrwi rok no saree bakkha montri. Paithago montri teibu sakha je, haste o tabok accident wngmani belai no nukjagwi tongkha. Aboni bagwi osa mwtai ni salo phekjaknai manwi ni nungwi malkhung chalokna bagwi mana khwlaikha. Osa mwtai ni sal joto ni bagwi no kha kaham ni sal, ah jorao keboni kaham ni sal, keboni hamya ni sal ta wngthung, aboni ayang phasingo mokol kaisunna bagwi sakhwlaikha haste ni thanglaisu montri Sushanta Chowdhury.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
