Haste o BJP haphang khamani yagulo haste rwgwi no hamkrai ni boyer sipsawi tongo. Tripura haste no bahai khe hamkrai khwlaiwi mano abono twiwi salbrom no cabinate minister tei PWD department no khobui Industry deparment ni joto officers rok no dagiwi tongo haste ni montri okra Dr.Manik Saha. Tangsalo kaisa petrol pamp phiyogmani panda o manjagwi abohai no sakha bidhansabha ni hujakphang eba MLAjwk Kalyani Saha Roy. Asalni panda o bono karwi bo manjakha Teliamura ni SDPO Prasun Kanti Tripura, Teliamura bwkhaste achukphang Abhijit Chokroborty, municipal council ni chairman Rupak Sarkar, vice-chairman Madhusudhan Roy no khobui kubuni adongrok. Asalni pandao kok narukna thangwi MLAjwk sakha je, Tripura haste no swkango kaisa okologo kwlaijak haste hinwi sinijagwi tongo, North-east hinwi sinijagwi tongo eba Kolkata ni ganani haste hinwi sinijagwi tongmani, phiyabha tabok BJP haphangni jorao Tripura haste ni mung Bharat hakotor ni map o jwlai jwlai khe hamkrai ni bising twii sinijagwi tongo. Tripura haste tabok hamkrai ni bwkhak agugwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
