Phekjaknai manwi bai gwdaljak kebono fano yakarjagwlak. Koktisalo Agartala Townhall o 17th bisi merit award tei Mog student rok ni freshers meet ni panda o manjagwi abohai no sakha haste ni montri okra Dr.Manik Saha. 2018 bisi o BJP haphang khamani yagulo Tribal welfare rok ni bagwi kwbangma samung khwlaikha. Swkango Tribal rok no Upojati hinjago phiyabha BJP haphang phaimani yagulo borok no Janajati mungwi sinimung rikha. Swkangni haphangni jorao sajagwi tongmani je, Maharaja Bir Bikram Manikya Bahadur Tripura haste ni bagwi mungsa bo samung khwlai langya, Phiyabha Maharaja Bir Bikram Manikya Bahadur Tripura haste ni bagwi jeswk samung khwlaiwi kwlangkha, abono muito khwlaiwi borom riwi tongo BJP haphang. Aboni bagwi no montri bokhorok Narendra Modi Maharaja Manikya Manikya Bahadur no borom yapharwi Agartala ni Birkhung kholano Maharaja Bir Bikram Manikya Bahadur ni mungwi International Birkhung khola khologwi rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
