Chasalni horo Kailasahar ni Bowlapasa amchaio Sanjit Shil mungwi khorok sa borok ni khachijak mangkwthwi mankha. Patimungni koktwma manwi patimung thaio thangwi naicherwikha Kailasahar thanani police. Salnwi swkang Sanjit Shil amchaini khorok sa sikla bai walailaikha, aboni yagulo ah sikla Sanjit Shil no kebengwi Kailasahar thanao thangwi mamla khwlaikha. Aboni yagulo phasalni diporo Kailasahar thanani police Sanjit Shil ni nogo thangwi bono rutugwikha, phiyabha Sanjit no nogo malaiyani bagwi bini nukhungni borok rok no sawi kabo je, Sanjit nogo phaikhe thanao thangwi officer bai malainani bagwi sabokha. Phiyabha aboni yagulo Sanjit nogo kiphil liya, aboni yagulo chasalni sarigo atomsa khe Bowlapasa amchaini kaisa bwphango khachijak nukkha Sanjit Shil no. Sanjit ni mangkwthwi khachijak nog mani logi logi no police no koktwma horkha amchaini lukorog. Aboni yagulo bini mangkwthwi no tikhalaiwi Unakoti sakham nogo post-mortem khwlaina bagwi twlangkha police. Patimungni yagulo amchai rwgwi urpatilaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
