Bisi brom brom ni hai khe no takwlai bisi bo Santirbazar bwkhaste bai khobjak Julybari higher Secondary school math-o Shyama Prasad Mukherjee knock-out football tournament songchajakha. Sangrong salo kaisa panda ni bising twi tournament ni final match no wngkha. Laxmi Chhara FC vs Manubonkul FC ni bisingo asalni final wngkha. Asalni match o Laxmi Chhara FC bodol Manubonkul FC bodol no 2 goal riwi kwplai wngkha. Asalni match o manjakha haste ni montri okra Dr.Manik Saha, Julybari bidhansabha kendrs ni MLA eba montri Sukla Charan Noatia, Thwng bedekni montri Tinku Roy, MDC Sanjev Reang, hoda hamkrai khwlainai Ajoy Reang, salchi hangkhor ni achukphang Saju Wahid, Santirbazar bwkhaste achukphang Abedananda Vaidya, Manu Bidhansabha ni MLA Maifrow Mog, Sabrom bidhansabha ni kwcham MLA Sankar Roy, salchi bwkhaste police super Ashok Singha no khobui kubuni adongrok. Tournament paimani yagulo kwplai wngnai bodol tei runners rok ni yago 40 thousand tei 30 thousand rang no khobui Trophy bo yapharwi rikha haste ni montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
