Sak ni deramwng mwng no huina bagwi congress rok yaksi bodol bai thansa ung mani phiya ba haste ni loku rok borok no phunogwi rwkha. ah congress rok tabuk nok ni simi ongkhorya.phiya ba borok simi nogo achugwi social media rogo eba kokthum panda khwlawi BJP hapang ni phasing kok saoh. Sahid Dulal debnath no mwitu khwlawi sangrong salo Santir bazar bidhan sabha kendra gana Birchandra nagar hati o songsa jak mani kaisa panda o kok narugna phuru abo hai khe no samani nukjak kha pradesh BJP ni achugphang Rajib bhattacharjee no.sathai kwlai o,bisi tham chi ba ni swkang 1988 bisi o Birchandra rwng nok ni khola o bwthar jak mani Dulal debnath ni logi khorok chibwrui no. phiya ba agi ni hapang ah bwthar nai rok no naitug nani bagwi mwng sa bo sep naharliya.sangrong salo Sahid Dulal debnath no mwitu khwlai na bagwi songsajak mani panda o ah bwthar jak mani dorbar rok no teisa kaham khe naikol na bagwi hangkor ni achugphang no gosimwng rwkha pradesh BJP ni achugphang Rajib bhattacharjee. bwthar nai rok no naitugwi tikhlai na bagwi montri okra bai bo kok sanai hwnui saklai kha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
