Haste hapang ni kwrak sakthar mwng tongphano phatar haste ni simi 1 hundred wak phaikha Tripura o.Salnwi saltham swkang Tripura hapang ni malmata tang bedek ni naikolnai montri Sudhangshu das gosimwng rwmani,kisa jora ni bagwi phano phatar haste ni simi Wak import khwlai mangalak Tripura o. phatar haste ni Wak o bemar tong o,aro rogo choprob jak khe Tripura ni wak farm rog deramwng o kwlai nai.phiya ba haste hapang ni gosimwng no yasi phunokgwi swrang salni horo Tripura sundari express bai hariyana ni kwbang ma wak phawi sokphai kha haste o.koktwma manwi logi logi no dharmanagar ni administrative officer tei railway protection force bai kok sakha malmata tang bedek salgwra hangkor ni Deputy Director Dr. Radheshyam Das.phiya ba jora kisa ni bagwi kebengwi manliya bo.phiya ba train bai no wak rok phawi sokphai kha agartala o.rail bai khwlawi wak import khwli mani agi rogo nukya kho hwnui sakha tang bedek ni samwng khwlai nai rok.Tabuk no puila rail bai khwlawi wak habmani nukjak kha Tripura o.haste hapang ni gosimwng kahai,phatar haste ni simi import khwlai mani samwng agini simi no mwthag jak tong mani,hapang ni raida ni kahai phatar haste ni simi phai jak wak rok no push back khwlai rwjak nai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
