Sal kolokma ramwi phekjaknai manwi ni bania khwlaiwi tongnai paithago romjakha Kadamtala thanani police bai. Tangsalni horo Salgwra Tripura hangkhor bai khobjak Kadamtola hatio chuwak twlangphuru romjakha amchaini Ranjit Nath mungwi khorok sa borok. Sal kolokma ramwi no phekjaknai manwi phalwi tongmani bagwi Ranjit Nath no kebengwi Kadamtola thanao mamla khwlaijakha. Bisi kolokma ramwi no Kadamtola hatio chuwak ni bania khwlaiwi tongmani bo, swkang rogo Hatio police faina swkang joto chuwak rog kubuni thaio twlangwi nowri tongo bo. Phiyabha tangsalni horo police rogbo bokhorok phwnangwi Ranjit Nath hatio phaina swkang no hatio thangwi tongwikha, aboni yagulo jefuru Ranjit Nath chuwak twiwi hatio phaikha, ah jorao no bono ramwi thanao twlangkha Kadamtola thanani police. Bono kebengwi kwbangma mamla khwlaikha police. Kwrak salo bono Dharmanagar ni dorbarnogo tisajaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
