Boxonagar bidhansabha kendra ni by-election o kwbangma vote manwi kwplai wngkha MLA Tafazzbal Hossain. Aboni yagulo no Boxonagar o kaisa Football tournament songchakha bo. Bisi kolokma ramwi sap sutra khwlaijakya tongmani Boxonagar ni Mini Stadium. Phiyabha Boxonagar ni Stadium o hai no hai tournament khwlaina bagwi thanai sal kisa ramwi sak tharwi samung khwlaiwi tongo Tafazzbal Hossain. Amchaini sikla rok no twiwi sak baithangni rang swbaiwi Boxonagar Mini stadium no sap sutra khwlaikha bo. Ah Studium o phasalo MLA-Cup knockout football tournament no chengsawi rijakha bo. Oh tournament chengsamani panda o thangwi manjakha bjp ni haste president Rajib Bhattacharya, Agartala municipal corporation ni mayor Dipak Majumder, BJP ni haste editor Papiya Datta, Sepahijala hangkhor ni president Supriya Das Datta, Boxonagar bidhansabha ni MLA Tafazzbal Hossain no khobui kubuni adongrok. Asalni match o thwngkha Kolomchara FC tei Putiya Ekadash. 2-1 goal o kwplai wngkha Putiya Ekadash. Oh tournament ni bising twi Boxonagar ni Hindu, Muslim, Christan tei Tiprasa bosong ni lukorogni bisingo kwthalaimung eba halok kaham wngsugwi tongnai hinwi kha khwlaikha MLA Tafazzbal Hossain.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
