Tripura police ni yago romjak kha saikat Talapatra,kwdukma sal romwi hamya kok bai khwlawi haste ni kwcham montri okra Biplab kumar deb tei tabuk ni montri okra Dr.Manik saha ni phasing hamya kok pirmani Saikat,pachimbanga ni uttar 24 porgana hangkor ni ghola thana ni police ni sep bai paithago romwi mankha Tripura police. saimankha,phung ni dam chi tamwi sati tham chi o Indigo ni birkhung bai kolkata ni sodhpur ni simi Saikat Talapatra no romwi pha salo aguli o tubkha Tripura police.ah jora o birkhung bathakthai o thangwi sogwi kha birkhung bathakthai ni thana,AD nagar thana ni logi salthang thana ni police.romjak nai nai Saikat Talapatra ni mobile phone nawi cherwi naikol tong kha NCC thana ni police. pha sal ni dipor o adalat o tisa jak kha bono. kwdukma sal romwi haste ni montri okra,kwcham montri okra,dagiphang,montri,MLA,kebeng nai bodol ni MLA song no twi social media rogo hamya kok pirlai tong mani Saikat talapatra,paithago phasalo romjak kha Tripura police ni yago.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
