Haste o aah mangsa, dod tei toktwi ni jugalmung bangrina bagwi sak tharwi samung khwlaiwi tongo haste haphang. Phiyabha haste o nangkukmani mangsa manfano dod tei toktwi ni jugalmungo kisa kom wngmani nukjagwi tongo. Haste haphang tei kendra haphang ni bwkhak twi yapri naharjak kwbangma projects twiwi samung khwlaiwi tongo. Phasalo Gurkhabosti ni kaisa panda o manjagwi abohai no sakha maalmata hamkrai bedekni montri Shudhangshu Das. Haste o Aah, mangsa dod ni jugal bwswk jorao wngwi tong, abono twiwi no asalni koklam panda hinwi saimankha. Haste ni aah mangsa tei dod ni jugalmung bari rina bagwi kwbangma yapri naharwi tongo. Mangsa ni jugalmung kaham wngfano, dod ni jugalmung belai no kom wngwi tongo hinwi sakha haste ni maalmata bedekni montri Shudhangshu Das. Bo teibu sakha, thanai april talo abohai no kaisa panda songchajakha. Ah panda o yapri naharjak joto sep sap rok bwswk jora twi mwkthang wngkha abono twiwi cherwi naina bagwi phasalo ah panda songchajakha. Bo teibu sakha, haste ni maalmata no teibu bangriwi ah, mangsa tei dod ni jugalmungno teibu bangriwi haste ni sikla sikli rok no kendra haphang tei haste haphang ni bwkhak twi yapri naharjak kwbangma projects no samungo phwnangnani no chini samung. Maalmata bedekni officers rok field visit khwlaina bagwi dagikha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
