omar kasukya bwrwi bwsano rompheremani mamlao bisi nwi chi eba 20 years ni bagwi rompherenaino kebengwi alongchupna bagwi saklaimung rikha unakoti hangkhor Adalat. patimung kailashahar bwkhasteni. Oh patimung no twiwi kok sai khwna rikha kerong mwthangnai Sandip Debroy . bo sakha 2021 bisi ni 14 march salamrio kailashahar bwkhasteni shantail gram panchayat amchaini khoroksa omar kasukya bwrwi nogni ganao samung nangwi thangmani ah joraono sep manwi mahamad ali mungwi khoroksa chwla bono romphereo. Patimung yagulono omar kasuky acheraini nukhungni lukurog saimanwi kailashahar thanao thangwi mamla khwlaio. Patimungno twiwi naikulna chengo officer Shivani Debbarma . patimungni sal thamni yagulo romjak kha rompherenai sikla mahamad ali. Romjakma yagulo DNA Medical test khwlaimani bisingtwino mahamad alino dorbar nogo twlangjak kha. pha salo bono kebengwi saklaimung rikha unakoti hangkhorni kerongpha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
