Bharat hakotor ni rajahor Delhi o songsa jak nani nai tong kha kwtal Tripura bhavan.kwrak salni horo sak ni social media o abo hai khe no gosi mwng rwkha haste ni montri okra Dr.Manik saha.lai thanai 15 september salmario new delhi o berai na bagwi thangwi aro o kwtal Tripura bhavan swnam na bagwi nangkuk mani thai rok allotment khwlai na bagwi delhi ni Lieutenant Governor VK Saxena bai achuglai mwng khwlai mani Tripura ni montri okra Dr.Manik saha.ah bhavan swnam na bagwi 2 thousand’s 930 square meter land allotment khwlai kha Delhi Development Authority Institutional Land Branch.New delhi ni Dwarka o 17 no.sector ni 3 no. plot o ah land allotment khwlai kha.New delhi ni Tripura bhavan ni Special Chief Residence Commissioner no koktun bwlai bai khwlawi kwrak salo ah kok saklai kha delhi ni Development Authority Institutional Land Branch ni Deputy Director.sathai kwlai o kai nwi plot ni bising o kaisa allotment rwjak kha,tei kaisa bo dati no ung nai hwnui social media o saklai kha montri okra Dr.Manik saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
