Dharmanagar bwkhasteo khoroksa omar kasukyano romphere mamlao tabok bisi brwini yagulo patimungo gwdaljak khorok nwi siklano no kebengwi kokchap naharkha dorbarphang. Oh mamla no twiwi kerong mwthangnai Sudharshan Sharma sakkha, 2019 bisini 19 june salmario dharma nagar bwkhasteni padhmapukur amachini tongna khoroksa omar dok bisini bwrwi cherai bwsano ah amchainino khorok nwi chwla siklarog , ah cheraino bolong bisingo twlango rompherekha. Patimungni bagwino langma chuna nangkha ah omar kasukya cherani. Ah cheraini mangkwthwino yakarwi patimung thaini kharwi thnagwi khorok nwi sikla rog. Ah jorao cheraino nogo manya wngwi horpung aiwi rotoklai kha cheraini nukhungni borokrog. Phiya rotokgwi manliya cheraino. Paithakgo sal nwi ni yagulo 2019 bisi 18 june salmario dharma nagar bwrwi thanani bwkhaktwi saklaijak kha, dharma nagar ni haflong cargil tilla oh khoroksa cherai bwrwini mang kwthwi mano hinwi. Koktwma manwi aro thangwi sogwikha cheraini nukhungni lukurog. Aboni yagulo patimungno naikulna bagwi habao nokhor kha police bodol rog. Kaham khe naikulmungni yagulo amchainino Sourav Chandra nath tei dibakar nath mungwi khorok nwi siklano rom kha police rog. Kwrak yapri naharwi swngjakma yagulo joto patimungno khokbaithangbai no sai khwna rikha ah romjaknao sikla khorok nwi. Ah khorok nwi sikal no kebegwi kerongni 302 raida no rwkgwi phasi rina bagwi tei thwiya sak alongo chopjakna bagwi dagimung rikha dorbarphang.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
