Tripura haste ni rwngnogni bisingo mung gwnang kaisa rwngnog wngkha Bhavans Tripura. Haste ni rwng bedekno hamkrai khwlaiwi tongo oh rwngnog. Thanai nwi chi sni bisi o kwbangma rwng swrwngnai swrwngnaijwk sng oh rwngnogni ongkhorwi tabok hakotor tei phatar hakotor o thangwi sebok khwlaiwi tongo. Rwng bedekni naisikmungo oh rwngnog haste tei phatar hasteo pirjagwi tongo. Hakotor ni montri bokhorok waire wai no sakha, chini hakotor ni thinang jerok ni thani, borokno no twidulwi naikolwi tongo phwrwngnai phwrwngnaijwk sng. Human values no twiwi phwrwngwi tongo borok- Tangsalo Agartala Narsinghar ni Bhavans Tripura Vidyamondir o manjagwi abohai no sakha haste ni montri okra Dr.Manik Saha. Bhavans Tripura Vidyamondir ni 28 bisi songchama salno kitingwi rwngnog bwskango Saraswati mondir ni foundation stone no phiyogwi rikha haste ni montri okra. O panda o montri okra no karwi bo manjakha Agartala muncipal corporation ni mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
