Osa mwtai ni swkang Agartala doly no sap sutra tonina bagwi tei traffic jamni yak kakrina bagwi aulini kwbangma amchaio hamya raida phalnog khologwi tongnai rok no norkha Agartala municipal corporation. Asalni phungo hamya raida bai phalnog khologwi tongnai rok ni phalnog swbai rikha. Aulio belai lama bai hendrejak phalnog ni bagwi no traffic jam wngu, aboni bagwi traffic jam no komirina bagwi hamya raida bai phalnog khologwi tongnai rok no osa mwtai ni swkang norkha bagwi chasalo chango rikhawi ongkhorkha Agartala municipal corporation. Mwtai ni jorao hakchal ni phainai lukorog jetwikhe jwngjal kwlaiyani bagwi no abohai yapri naharjakha. Phalnog swbaijakmani yagulo koktwma thumnai rok ni bwskango mayor sakha, Lukorog ni himthani mungsa bejua wngyani bagwi tei traffic jam ni yak kakrina bagwi tei hamya raida bai bania khwlainai rok no norjakha. Tei jerok vendor licence nawi bania khwlaiwi tongnai rok borok aulio bania khwlaiwi manai hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
