Sal kisa ni yagulo no osa mwtai wngna thangwi tongo. Phainai osa mwtaio phereng bedekni yakumu joto ni sai kwbang tongnai. Thanai bisi ni simi phereng bedek belai kaham khe naikolwi tongo, tei phainai osa mwtaio bo kaham khe no naikolnani bagwi jugalwi tongo haste ni phereng bedek. Osa mwtai ni swkang phereng bedek bai khobjak joto no twiwi phasalo Pragga Bavan o kaisa panda songchajakha. O panda o manjakha haste ni phereng bedekni montri Ratan Lal Nath tei phereng bedekni adongrok. Asalni panda paimani yagulo koktwna thumnai rok ni bwskango montri sakha, 2021 bisi ni osa mwtaio 326.60 megawatt phereng nangkha, 2022 bisi ni osa mwtaio phereng nangkha 332.70 megawatt, abono bwskango toniwi takwlai bisi ni osa mwtaio phereng nangnai 380 megawatt. Phiyabha tabok phereng bedekni thani phereng tongo 300.30 megawatt, phiyabha wanamani kok wngkha osa mwtai ni salo 380 megawatt phereng nangnai, abono bahai khe samulognai abono twiwi koklam salaikha haste ni phereng bedek.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
