Tourism abohai kaisa manwi, jetha lukorog bi bisingo bayap tei hamjakmani halok tubuo. Tripura haste ni tourism ni kaisa nangkukmani yakumu tongo,abo phainai salo teibu phan gwnang wngnai. Swrang salo Agartala tourism bedekni luajimung bai songchajak panda o manjagwi abohai no sakha tourism ni montri Sushanta Chowdhury. 27 september ni salmario World Tourism Day. Hayung rwgwi kwbangma panda ni bising twi palaijagwi tongo oh sal. Hakotor tei phatar hakotor ni tourist rok no borok ni target o sagwinani no twiwi kha thangsarina bagwi no asal no palaijagwi tongo. Hakotor ni logi haste o bo asalno kwbangma panda ni bising twi palaijagwi tongo. Aboni bedek wngwi no swrang salo tourism bedekni luajimung bai Ujjayanta palace ni simi kaisa himbotok khwlaijakha. Oh himbotokgo phaiwi manjakha haste ni tourism bedekni montri Sushanta Chowdhury no khobui bedekni adongrok bo. Oh himbotok go manjagwi montri Sushanta Chowdhury sakha, haste ni lukorog ni bisingo tourism no twiwi hamjakmung baririna bagwi no oh himbotok khwlaijakha. Tripura haste no rangthong ni bwkhak kwrak khwlaina bagwi tourism ni kaisa nangkukmani yakumu tongo. Aboni logi bo teibu sakha, Phainai salo haste ni tourism no hayungni bwskango tisana bagwi saktharwi samung khwlaiwi tongo haste haphang, tei oh kok no joto ni thani sagwina bagwi no oh himbotok khwlaijakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
