bwrwi rogni hamkwraini bagwi dalbi dal ni yapri naharwi tongo montri bokhorok modi tei montri bokhorokni phunukjak lamao himwino samung khalaiwi tongo haste haphangbo. Bwrwi rogno borogni manthaino rina bagwi loksabha tei rajya sabhao borogni achukthaini bagwi bill pass khwlaiwi belaino kaham samung khwlai kha modi ji. Tabok oh bill ni bisingtwino hakotorni bwrwi rogni bagwi thwngrwng hapharo achukthai khwlaijak kha. haphangni kwbangma samung bwtangni bising twi tabok hasteni bwrwi rogno kwbangma thaio sak baithangni mung swnam kha. omo hai smaungno mukthang khwlaithaio belaino nangkukmani samung khwlai kha self help group rog. rang ni chubachu no karwibo kubuni nangkukmani chubachu rioi tongo haste haphang. Swrang salo hasteni self help group ni samung khwlainai rogno logi twiwi Rabindra satabarshiki bhavan oh kaisa panda songsa kha Tripura lively hood mission. Aro manjak kha montri okra Dr. Manik saha , mayor Dipak Majumdar , commissioner Shailesh kumar Yadav no khobwi kubuni ojama rog. ah salni pandao kok narwkna thangwi montri okar sakha, chini hakotorni montri bokhorok belaino kwrwi nukhung phai mani. Kwrwi nukhungo bomohai biyal rog phai amo rog montri bokhorok kaham khe saimano.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
