digital bharat swnamnani samung bwtangno hamsarioi twlangna bagwi oh bisi may talo puila mission mood oh E office ni samung chengsai rijak kha. Tripura hai chikon hasteo E office chengsajakmani yagulo twit khwlaiwi kha kaham yaphar kha montri bokhorok Narendra modi . oh samung bwtangno rwksaino tabok E cabinet swnamna bagwi yapri nahar kha haste haphang. 27 september salmario E cabinet ni puila koklam panda songsajak kha. secretariat oh songsajakmani ah koklam pandao manjak kha montri okra Dr. manik Saha , montri ratan lal nath , sudhangsu das , sushanta Chowdhury , pranajit singh roy , tinku roy , santana chakma no khobwi montri sobha kubuni ojama rog. hatseni joto beremno digital swnamna bwkhakgo tabok yapri nahar kha haste haphang. Oh naharmungno bwskango toniwi no swrang sal 27 september salmario hasteni hukumu tang bedekni bwkhaktwi oh panda songsajak kha. phainai sal rogo hasteni cabinet rog samung rog paper kwrwi khe digital raida twi khwlaiwi manai hinwi kha khwlai kha tabok haste haphang. Digital raida twi samung khe paper swnamna bagwi buphang rog aswk ra jakgwlak hasteo , tei amo rog habarni bagwi belaino kaham hinwi sakha montri okra. Uttara khanda , uttar Pradesh , Arunachal Pradesh ni yagulo tabok Tripura hasteobo chengsai rijak kha E cabinet ni raida.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
