Anganwadi tang nogno swbaiwi rikha panchayat ni tangkrak rog. amoni bagwino cherai bwsa bwsa rog tabok ah nog kwbaio no rwng swrwngwima tongjao. Oh patimungno twiwino ward ni ojama rog sakha , purba eba salka phulbari gram panchayat ni 2 no ward ni Anganwadi tang nogno khadim para amchaini cherai rogni rwng swrwng ni kaisa thai. Sal kwdwkma rwkgwi no oh Anganwadi tang nog kaham khe naikuljakgwi phai phano tal dok swkang gram panchayat ni 1 no ward ni Ripun Dey mungwi khoroksa tangkrak bin logio borok twlangwi ah Anganwadi tang nogno swibaiwi rikha. amchaini lukurog bai swngmung khwlaijak khe Ripun Dey sai khwna rikha , ah Anganwadi tang nogni thaino bo paiwi naharkha hinwi. bo teibo sakha sal kisani bisingo kwtal Anganwadi tang nog swnamjaknani swngbo chengwi rijaknai hinwi. phiya tal dok lai thangwibo kwtal Anganwadi tang nog swnamjaknani samung chengjakya kho. Aboni bagwi mungsa lama kwrwi wngwi kai kwbai nogono rwng swrwngwima tongbai kha amchaini cherai bwsa rog. kuchuk beremni tangphang rogno oh patimungno twiwi saklaijak phano mungsa yapri naharjakya hinwi sakha amchaini lukurog. Koktwmao teibo saimankha , ah Anganwadi tang nogni thaino phaljakya hinwi. phiya amchaini lukurogno khwiwi Anganwadi tang nogni thaino sekgwi nahar kha Ripun Dey. Hai hinwi tabok kok silsajak amchaini lukurog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
