Loksobha chongmarini swkang haste o salbrom no bodol swlaimani mangpili nukjagwi tongo. Kubuni bodol yakarwi BJP bodol ni bana romkha tiprajwk bwrwi rok. Swrangsalo Agartala Sadar bjp ni habanogo abohai no mangpili nukjakha. IPFT ni Organizing Committee ni Secretary tei kubuni sipai rok asalo BJP bodol ni bana romkha. 7 family ni 23 voters rok asalo BJP bodolni bana romkha. Tripura haste o Bharatiya Janata Party no karwi tei mungsa bodol haste ni lukorog ni baigono swlaiwi manya. Abo tabok haste ni lukorog bhuchibaikha. Aboni bagwi no Loksobha chongmarini swkang kebengnai bodol ni ojama rok BJP bodol ni bana romwi tongo. Swrang salo Sadar BJP ni habanogo manjagwi abohai no sakha Bharatiya Janata Party ni pradesh committee ni vice-president Tapash Bhattacharya. Bo teibu sakha, sal kisa swkang borok BJP bodol no kebengwi thwngrwng hapharo ongkhorwi tongmani, phiyabha tabok borok BJP o haphai baikha. Borok tabok jora jorao khasiwi tongo. BJP bodol lukorog ni bagwi samung khwlaiwi tongo. Lukorog ni ganao homdino bhachawi tongo BJP bodol. Abo tabok haste ni joto lukorog kaham khe no sai mankha. Aboni bagwi no swrang salo tiprasa lukorog ni bisingo kotor swlaijakmung nukjakha. Aboni logi bo teibu sakha, haste ni beser beser ni tiprasa rok salbrom no kubuni bodol yakarwi bjp bodol ni bana romwi tongbaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
