Teliamura thanano puito khwlaiwi manyani bagwi kwmajak bwsajwk no kiphilwi mana bagwi Teliamura ni SDPO Prasun Kanti Tripura ni thani thangkha bwma Shyamali Sarkar. Kwrak salni phungo koktwma thumnai rok ni bwskango Shyamali Sarkar sakha, Bisi kisa swkangno Teliamura Meherchara amchaini Nepal Das bai kaikha bwsajwk Payel Sarkar no. Aswk sal kolokma khorok nwi ni bisingo joto no kaham kwrwngkheno nukhung khawi phaimani, phiyabha sal kisa swkang bihik bwsai ni bisingo walai kaija wngnani chengkha. Aboni bagwi no thanai 19 september o bwkrabarini kwmawi thangkha nukhungni hamjwk Payel Sarkar. Sal hor rutugwi manya wngmani yagulo Teliamura thanao thangwi missing complaint khwlaikha Payel ni nukhungni borok rok, Aboni yagulo waire wai sak baithangni bwsajwk no kiphilwi mana bagwi police thani thangmani yagulo bo, Teliamura thanani bwkhak twi swrai swrai khe sai rijakha je, bwsajwk no rutuknakhe borok ni nukhungni borok rok no rutukthung hinwi. Naimwthang bodol ni bwkhak twi abohai kok sajagwi kha baijagwi thangkha Payel ni nukhungni borok rok. Phiyabha paithago Teliamura thanani police rok no puito khwlaiwi manya ni wngwi kwrak salo Teliamura ni SDPO Prasun Kanti Tripura ni thani thangwi sagwikha Payel Sarkar ni bwma Shyamali Sarkar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
